بحبك ليه
💧💧
وعن قلبي بتسألني بحبك ليه؟
سألته وقالي
حاسس بيه
بشوق ساكن بجفن عنيه
دفا بيزيد بلمس إديه
💧💧
وقالي م تسألي عينك
تقولك سهره كحلني
وعمره ف يوم ما زعلني
ولا غمضت علي دمعة
ولا طفالي يوم شمعة
💧💧
ويشهد شعرك المجدول
هيحكي قصته ويقول
حنان اللمسة بعترني
علي كتافك وحيرني
حبيبي
يا مطرة بللت روحي
يا بلسم شافي لجروحي
وريد قلبي ملاه بوحي
💧💧
وتسألني بحبك ليه؟؟
عشانك مرسى مركبتي
وفيض إحساسي وعزيمتي
ودم بيملا أوردتي
💧💧
بحبك ليه؟؟
يا جوايا الثنا والنور
ملاك حولتني للحور
وأنفاسك شذا وبخور
💧💧
بحبك ليه؟؟
ما تسألنيش عن المكنون
يا دنيايا وكل الكون
إذا ربك أراد هيكون
ما بين الكاف وحرف النون
بقلمي
الشاعرة ناهد الموجي
ليست هناك تعليقات:
إرسال تعليق